नवराज्य Live डिजिटल न्यूज नेटवर्क
जळगाव – दि ६ डिसेंबर रोजी श्री स्वामी समर्थ इंग्लिश मीडियम स्कूल, कुसुंबा खुर्द, जळगाव येथे स्व.. प्रतीक्षा ताई समाधान पाटील यांच्या पावन स्मृतिप्रित्यर्थ इंग्लिश मीडियमच्या विद्यार्थ्यांनी त्यांच्या वाढदिवसानिमित्त भगवद्गीतेचा अकरावा अध्याय तसेच गणपती स्तोत्रांचे पठण करून त्यांना भावपूर्ण आदरांजली वाहिली.
याच दिवशी आपल्या देशातील महान व्यक्तिमत्त्व, भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त पुष्पहार अर्पण करून मानवंदना देण्यात आली.दुपारच्या सत्रात स्त्री सबलीकरण या विषयावर युवा पिढीला मार्गदर्शन करणारे प्रख्यात वक्ते डॉ. वसंत हंकारे सर यांचे प्रेरणादायी व्याख्यान आयोजित करण्यात आले. स्व. सौ. प्रतीक्षा ताई यांच्या स्मरणार्थ घेण्यात आलेल्या या कार्यक्रमात श्री स्वामी समर्थ ग्रुपतर्फे आदर्श शिक्षक पुरस्कार वितरण हा कार्यक्रम पार पडला.
याप्रसंगी इंग्लिश मीडियम शिक्षक श्री. गणेश केलास घुगे सर यांना “आदर्श शिक्षक पुरस्कार” देऊन सन्मानित करण्यात आले.शाळेतील सर्व विद्यार्थी आणि पालकवर्ग यांनी मोठ्या उत्साहाने उपस्थित राहून कार्यक्रमाला उत्स्फूर्त प्रतिसाद दिला.हंकारे सरांच्या प्रभावी व्याख्यानाने पालक व विद्यार्थ्यांच्या डोळ्यात अश्रू दाटले.“आई-वडिलांना कधीही त्रास न देणे आणि राष्ट्रीय रक्षणासाठी सदैव तत्पर राहणे” असा प्रेरणादायी संदेश या व्याख्यानातून व्यक्त झाला. कार्यक्रमाचे प्रमुख आयोजक व अध्यक्षस्थानी संस्थेचे मनोजकुमार पाटील सर,संस्थेच्या सचिव ज्योती माई पाटील,संचालक रामराजे पाटील तसेच विविध शाखांचे मुख्याध्यापक/मुख्याध्यापिका उपस्थित होते.
🔴 यांचा झाला सन्मान 🔵
इंग्लिश मीडियम मुख्याध्यापिका . तनुजा मोती,माध्यमिक व उच्च माध्यमिक मुख्याध्यापिका दिपाली भदाणे,प्राथमिक विभाग मुख्याध्यापिका कामिनी पाटील,रायपूर स्वामी समर्थ विद्यालय मुख्याध्यापिका वैशाली धांडे,सरस्वती माध्यमिक व उच्च माध्यमिक मुख्याध्यापिका दिपाली पाटील,आव्हाने माध्यमिक व उच्च माध्यमिक मुख्याध्यापिका वैशाली शिंदे,आव्हाने प्राथमिक विभाग मुख्याध्यापिका हर्षाली पाटील,आव्हाने येथील मनोजकुमार इंटरनॅशनल स्कूल मुख्याध्यापिका मंजुषा सोनवणे,करंज येथील गंगाई इंग्लिश मीडियम मुख्याध्यापिका छाया पाटील तसेच सर्व शाखांतील विद्यार्थी, शिक्षकेतर कर्मचारी आणि कुसुंबा येथील ग्रामस्थ मोठ्या संख्येने उपस्थित होते. कार्यक्रमाचे सूत्रसंचालन शीतल अहिरे यांनी केले. स्वागतगीत योगेंद्र धनराळे व निकिता जोशी यांनी सादर केले. आभार हेमंत सोनार यांनी केले.
