नवराज्य Live डिजिटल न्यूज नेटवर्क
जळगाव – शहरातील हरी विठ्ठल नगरात अवैध गॅस रिपेरिंग सेंटरवर उपविभागीय पोलिस अधिकारी नितीन गणापुरे यांच्या विशेष पथकाने रामानंद पोलिस ठाण्याच्या मदतीने हरिविठ्ठल नगरातील गोरख महाराज हनुमान मंदिर चौकात छापा टाकून एका इसमाला रंगेहाथ पकडले. या कारवाईत गॅस भरण्यासाठी वापरण्यात येणाऱ्या तीन भरलेले गॅस सिलिंडर, एक रिकामे आणि एक गॅस भरणारी मोटर रेग्युलेटरसह असे साहित्य जप्त केले.
पथकातील सहायक फौजदार कैलास सोनवणे, पोलिस नाईक रवींद्र मोतीराया, कॉन्स्टेबल अशोक फुसे, रामानंदचे निरीक्षक राजेंद्र गुंजाळ व अंमलदार यांच्या संयुक्त पथकाने गोरख महाराज हनुमान मंदिर चौकातील संशयित घरावर छापा टाकला. त्यावेळी शशिकांत शिवाजी मराठे हा घरगुती गॅस सिलिंडरमधून प्रेशर मोटरच्या साहाय्याने दुसऱ्या गॅस हंडीत गॅस भरताना आढळला. पोलिसांनी त्याला ताब्यात घेतले.
केंद्राच्या मालकावर गुन्हा अवैध गॅस रिफिलिंग सेंटरचा मालक
शशिकांत शिवाजी मराठे (वय ४५, रा. हरिविठ्ठलनगर) याच्या विरुद्ध रामानंदनगर पोलिस ठाण्यात जीवनावश्यक वस्तू अधिनियम आणि पेट्रोलियम आणि स्फोटके अधिनियमाच्या कलमांनुसार गुन्हा दाखल करण्यात आला आहे.
