नवराज्य लाईव्ह न्यूज नेटवर्क by योगेश सुने
जळगाव : जळगाव जिल्हा मजूर कामगार फेडरेशनच्या सभापती पदासाठी पुरुषोत्तम चौधरी तर उपसभापती पदासाठी सूर्यकांत वाघ यांची बिनविरोध निवड करण्यात आली. या निवडीस सर्व संचालक मंडळाने एकमताने अनुमोदन व सहमती दर्शवली.
जिल्ह्याचे माजी पालकमंत्री गुलाबराव देवकर यांच्या मार्गदर्शनाखाली ही निवडणूक प्रक्रिया बिनविरोध पार पडली. पुरुषोत्तम चौधरी हे गेल्या वीस वर्षांपासून फेडरेशनमध्ये संचालक म्हणून कार्यरत असून त्यांच्या उल्लेखनीय कार्याचा गौरव म्हणून संचालकांनी एकमुखाने त्यांच्यावर सभापतीपदाची जबाबदारी सोपवली.
निवडणूक प्रक्रियेसाठी निवडणूक निर्णय अधिकारी म्हणून सहायक निबंधक तथा अधिसी अधिकारी विशाल ठाकूर यांनी काम पाहिले. तसेच अजीत पाटील व जिल्हा उपनिबंधक कार्यालय, जळगाव येथील वरिष्ठ लिपिक यांच्या उपस्थितीत ही प्रक्रिया पार पडली.
नवीन सभापती व उपसभापती यांच्या बिनविरोध निवडीमुळे फेडरेशनमध्ये समाधानाचे वातावरण असून भावी काळात संघटनेचा विकास अधिक वेगाने होईल, असा विश्वास व्यक्त करण्यात आला. या निवड प्रक्रियेसाठी लिलाधर तायडे,प्रकाश पाटील,रोहिदास पाटील व सर्व संचालक मंडळ उपस्थित होते तसेच सर्व कर्मचारीवर्ग यांनी सहकार्य केले.
