नवराज्य डिजिटल न्यूज नेटवर्क
(जळगांव):- आमदार सुरेश भोळे यांन “वंदे मातरम् हे केवळ एक गीत नाही ते भारताच्या आत्म्याचं प्रतिबिंब आहे असे प्रतिपादन आमदार सुरेश भोळे यांनी केले. रोटरी क्लब ऑफ जळगाव मीडटाऊन व भरारी फाउंडेशन यांच्या संयुक्त विद्यमाने आयोजित वंदे मातरम् गीत गायन स्पर्धे प्रसंगी ते बोलत होते.
बंकिमचंद्र चट्टोपाध्यायांच्या या रचनेने स्वातंत्र्य संग्रामात असंख्य देशभक्तांना उर्जा दिली.आज या गीताच्या १५० वर्षांच्या प्रवासात आपण त्याच प्रेरणेला नव्याने उजाळा देत आहोत.” असे आ. भोळे म्हणाले.
याप्रसंगी रोटरी मिडटाऊन चे अध्यक्ष अॅड. किशोर पाटील, अनिस शहा, कुशल गांधी, बाळासाहेब सूर्यवंशी,डॉ,निलेश चांडक चित्रा चौधरी, गायत्री कुलकर्णी डी. ओ. चौधरी, सागर पगारीया, रितेश लिमडा, सागर परदेशी, आदींची उपस्थिती होती. परीक्षक म्हणून विनोद ढगे, संजय बडगुजर, उषा शर्मा यांनी काम पाहिले. सुत्रसंचलन दिपक परदेशी यांनी तर आभार अक्षय सोनवणे यांनी मानले.
रविवारी रोटरी सभागृहात स्पर्धा संपन्न झाल्या. वंदे मातरम् या गीताला १५० वर्षे पूर्ण झाली,या ऐतिहासिक क्षणाचे औचित्य साधून आयोजित करण्यात आलेल्या स्पर्धेत शहर तसेच परिसरातील १९ शाळांचे संघ सहभागी झाले.
या स्पर्धेत विवेकानंद प्रतिष्ठान इंग्लिश मिडीयम स्कूल जळगांव या संघाने प्रथम क्रमांक पटकावला. द्वितीय,:- एल. एच पाटील स्कूल जळगांव तर तृतीय कै.श्रीमती. ब गो शानबाग विद्यालय. तसेच उत्तेजनार्थ पारितोषिक सरस्वती इंटरनॅशनल स्कूल मोहाडी मिळाले.अनुक्रमे रोख रक्कम रु. ५०००, ३०००,२१००, व ११०० आणि प्रमाणपत्रे देवून गौरविण्यात आले.
स्पर्धेचा निकाल
प्रथम:- विवेकानंद प्रतिष्ठान इंग्लिश मिडीयम स्कूल
द्वितीय:- एल. एच पाटील स्कूल जळगांव
तृतीय:- कै. श्रीमती. ब गो शानबाग विद्यालय
उत्तेजनार्थ पारितोषिक:- सरस्वती इंटरनॅशनल स्कूल मोहाडी
