नवराज्य live न्यूज नेटवर्क
जळगाव (योगेश सुने) – राज्यात आज झालेल्या महाटेट (टीईटी) परीक्षेदरम्यान अनेक केंद्रांवर उमेदवारांमध्ये “लय टप गेली रावं टीईटी…” अशी थेट भावना व्यक्त होत असल्याचे चित्र दिसले.
कठीण पेपर, एआय कॅमेऱ्यांची कडक नजर आणि परीक्षा केंद्राच्या बाहेर फिरणाऱ्या “तीन लाखांच्या चर्चा” यामुळे परीक्षार्थी तणावात दिसले.
जळगाव शहरातील २१ परीक्षा केंद्रांवर पहिल्या पेपरसाठी ५७०६ तर दुसऱ्या पेपरसाठी ७४९४ उमेदवार होते. मात्र त्यातून किती गैरहजर होते. ही आकडेवारीची नोंदणीचे काम उशिरापर्यंत सुरू होते. उशिरापर्यंत सकाळी व दुपारी दोन टप्प्यात परीक्षा घेण्यात आली.
प्रत्येक वर्गात बसवलेल्या एआय कॅमेऱ्यांमुळे उमेदवारांच्या हालचालीवर सतत लक्ष ठेवले जात होते. यामुळे कोणत्याही प्रकारचा गैरप्रकार होऊ नये, यासाठी कडक बंदोबस्त करण्यात आला.
परंतु या सगळ्यात मात्र परीक्षार्थी शिक्षक हा, परीक्षा देण्यापूर्वी आपल्या शाळेतील पोर्शन,निवडणुकीचे काम, पोषण आहार, निकाल, वारंवार होणाऱ्या मीटिंगा, शिक्षकांना दिले जाणारे ट्रेनिंग, विद्यार्थ्यांना शिकवण्यासंदर्भात येणारे व बदलणारे विविध जीआर या सगळ्या व्यापातून शिक्षक हा परीक्षा केंद्रावर गेलेला होता. टीईटी परीक्षेचे भूत शिक्षकाच्या मांगूटीवर बसले असल्याने परीक्षा देण्यापूर्वीच शिक्षक तणावाखाली गेला असल्याचे चित्र दिसत होते.
काही केंद्रांबाहेर “ पेपर कठीण गेला तर सोडवायला तीन लाखांची मागणी होत आहे ”अशा चर्चा उमेदवारांत घुमत असल्याचेही समोर आले. त्यामुळे परीक्षार्थींमध्ये धकधक वाढलेली पाहायला मिळाली.
टीईटी उत्तीर्ण होणे अनिवार्य झाल्याने हजारो शिक्षक व उमेदवारांनी या परीक्षेत सहभागी होत मोठी गर्दी केली. कडक देखरेखीत परीक्षा शांततेत पार पडली असली तरी, एआय नजर आणि बाहेरील अफवांमुळे आजची टीईटी परीक्षा उमेदवारांसाठी चांगलीच ‘टप गेलेली’ ठरली.
शहरातील परीक्षा केंद्र
ला.ना. सार्वजनिक विद्यालय • अँग्लो उर्दू हायस्कूल • या.दे. पाटील शाळा • झांबरे विद्यालय • भगीरथी हायस्कूल • सेंट टेरेसा स्कूल • लुंकड कन्या शाळा • स्वामी विवेकानंद कनिष्ठ महाविद्यालय • नंदिनीबाई स्कूल (कंट्रोल रूम) • बाहेती महाविद्यालय • काशीबाई कोल्हे विद्यालय • आर.आर. हायस्कूल • प्रगती हायस्कूल • महाराणा प्रताप हायस्कूल • मिल्लत हायस्कूल • श्रीराम शाळा • नूतन मराठा महाविद्यालय • शारदा स्कूल • इकरा उर्दू हायस्कूल • खुबचंद सागरमल विद्यालय • सिद्धिविनायक कनिष्ठ महाविद्यालय
