नवराज्य डिजिटल न्यूज नेटवर्क
मुंबई : जोगेश्वरी परिसरातील बेहराम बाग येथे असलेल्या एका बहुमजली व्यावसायिक इमारतीला आज सकाळी भीषण आग लागली. ही इमारत बिझनेस सेंटर म्हणून ओळखली जात असून, येथे अनेक कंपन्यांची कार्यालये आहेत.
आगीची तीव्रता एवढी प्रचंड होती की इमारतीचे चार मजले आगीच्या भक्ष्यस्थानी गेले. घटनेची माहिती मिळताच अग्निशामक दलाच्या गाड्या तातडीने घटनास्थळी दाखल झाल्या आणि आग विझविण्याचे प्रयत्न सुरू केले असून वरील चार मजल्यांवरती नागरिक अडकले आहेत.
त्यांना बाहेर काढण्यासाठी शर्तीचे प्रयत्न सुरू असून
अग्निशामक दलाने सुमारे काही तासांच्या शर्थीच्या प्रयत्नानंतर आगीवर नियंत्रण मिळवले आहे. अंदाजानुसार शॉर्टसर्किटमुळे आग लागल्याची शक्यता व्यक्त केली जात असली.
तरी आगीचे नेमके कारण अद्याप समजू शकले नाही,
सुदैवाने या घटनेत कोणतीही जीवितहानी झाल्याचे वृत्त नाही. तथापि, मोठ्या प्रमाणावर मालमत्तेचे नुकसान झाल्याचे प्राथमिक अंदाज आहेत. स्थानिक पोलीस व अग्निशामक दलाच्या अधिकाऱ्यांकडून तपास सुरू असून, परिसरात नागरिकांची गर्दी टाळण्यासाठी सुरक्षेची खबरदारी घेतली गेली आहे.






