नवराज्य डिजिटल न्यूज नेटवर्क
जळगाव : शहरातील रामेश्वर कॉलनी येथील रहिवासी तरुणाने राहत्या घरी गळफास घेऊन आत्महत्या केल्याची धक्कादायक घटना रविवार दि. १४ सप्टेंबर रोजी संध्याकाळी सहा ते सात वाजेच्या सुमारास उघडकीस आली आहे. याप्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे.
शंकर आधार पाटील (वय ४५, रा.रामेश्वर कॉलनी, जळगाव) असे मयत तरुणाचे नाव आहे. तो पत्नी, एक मुलगा यांचेसह राहत होता. तर शंकरच्या आई वडील अमळनेर तालुक्यातील नांदगाव येथे रहिवासी आहेत. शंकर हा सेंट्रींग काम करून परिवाराचा उदरनिर्वाह करीत होता.(केसीएन)दरम्यान, रविवारी दि. १४ रोजी संध्याकाळी घरी कोणी नसताना त्याने गळफास लावून घेत आत्महत्या केली. कुटुंबीयांना माहिती समजताच त्यांनी नागरिकांच्या मदतीने शंकर पाटील याला शासकीय वैद्यकीय महाविद्यालय व रुग्णालयात उपचारासाठी दाखल केले.
या ठिकाणी वैद्यकीय अधिकाऱ्यांनी तपासून त्यास मयत घोषित केले. यावेळी कुटुंबीयांनी रुग्णालयात एकच आक्रोश केला होता. दरम्यान एमआयडीसी पोलीस स्टेशनला अकस्मात मृत्यूची नोंद करण्याचे काम रात्री उशिरापर्यंत सुरू होते. शंकर पाटील यांनी आत्महत्या का केली यामागील कारण समजू शकले नाही.
