शिरीष मधुकरराव चौधरी महाविद्यालयात सात दिवसीय संगणक कार्यशाळेचे आयोजन
जळगाव – येथील धनाजी नाना चौधरी विद्या प्रबोधिनी संचलित शिरीष मधुकऱाव चौधरी महाविद्यालयाच्या डिपार्टमेंट ऑफ कॉम्प्युटर एप्लीकेशन विभागाच्या वतीने “Tableau For Data Analytics” या विषयावर सात दिवसीय (८ सप्टेंबर ते १४ सप्टेंबर २०२५) कार्यशाळेचे आयोजन करण्यात आले. सदर कार्यशाळेचे उद्घाटन महाविद्यालयाचे प्रभारी प्राचार्य डॉ. रविंद्र लढे यांचे हस्ते करण्यात आले, याप्रसंगी महाविद्यालयाचे माजी प्रभारी प्राचार्य डॉ. पी. आर. चौधरी, तसेच संगणकशास्त्र विभागप्रमुख डॉ. प्रियंका बऱ्हाटे उपस्थित होते. सदर कार्यशाळेच्या समन्वयक दीपाली महाजन यांनी प्रास्ताविक केले व कार्यक्रमाचे सूत्रसंचालन प्रा. निकिता लोहार हिने केले. यावेळी, कार्यशाळेच्या
उद्घाटन प्रसंगी महाविद्यालयातील सर्व प्राध्यापक वर्गाची उपस्थिती लाभली. सदर सातदिवशीय कार्यशाळेत डेटा सायन्स व अॅनालिटिक्समध्ये टॅब्लो सॉफ्टवेअर SQL चा उपयोग, त्यातील विविध साधने व त्याचे उद्योग क्षेत्रातील महत्त्व याबाबत विद्यार्थ्यांना व्याख्यांद्वारे व प्रत्यक्ष प्रशिक्षण देऊन तयारी करून घेण्यात येणार आहे. या कार्यशाळेला बी.सी.ए.आणि संगणकशास्त्र विभागाच्या विद्यार्थ्यांचा मोठ्या संख्येने उत्स्फूर्त प्रतिसाद मिळाला. अशाप्रकारे, सदर कार्यशाळेची सुरुवात करण्यात आली.
