नवराज्य डिजिटल न्यूज नेटवर्क
जळगाव पाळधी – त्रिमूर्ती शिक्षण संस्थेच्या फार्मसी महाविद्यालयाचे नवीन प्राचार्य म्हणून डॉ. तुषार देशमुख यांची नियुक्ती करण्यात आली आहे. दि. १ रोजी संस्थेचे अध्यक्ष मनोज पाटील यांनी त्यांना नियुक्तीपत्र देत पदभार सोपवला.
अध्यक्ष पाटील यांनी या वेळी बोलताना सांगितले की, “देशमुख सरांच्या अनुभवाचा लाभ संस्थेला होईल. त्यांच्या नेतृत्वाखाली संस्था अधिक वेगाने प्रगती करेल, असा विश्वास आहे.”
डॉ. देशमुख यांना प्राचार्य पदाचा ११ वर्षांचा तसेच प्राध्यापक म्हणून १० वर्षांचा असा मिळून सुमारे २१ वर्षांचा अनुभव आहे. त्यांच्या कार्यकुशलतेचा व अनुभवाचा मोठा फायदा संस्थेला होईल, असा विश्वास व्यक्त करण्यात आला.
नवीन प्राचार्य म्हणून पदभार स्वीकारल्यानंतर देशमुख यांचा सर्व शिक्षक, शिक्षकेतर कर्मचारी व विद्यार्थ्यांनी पुष्पगुच्छ देऊन सत्कार केला.







