जळगाव शहरात नानासाहेब धर्माधिकारी प्रतिष्ठानतर्फे भव्य निर्माल्य संकलन अभियानाचा शुभारंभ
नवराज्य डिजिटल न्यूज नेटवर्क
जळगाव – नानासाहेब धर्माधिकारी धर्माधिकारी प्रतिष्ठान, रेवदंडा (ता. अलिबाग, जि. रायगड) यांच्या वतीने अनंत चतुर्थी ला गणेश विसर्जनाच्या निमित्त संपूर्ण जळगाव शहरात निर्माल्य संकलन अभियान सुरू करण्यात आले. या उपक्रमाचे उद्घाटन जळगाव महानगरपालिकेत उत्साहात झाले.
या कार्यक्रमाला जळगाव शहर आमदार सुरेश भोळे,जळगाव जिल्हाधिकारी . आयुष प्रसाद,, अप्पर पोलीस अधीक्षक श्री. अशोक नखाते आणि महानगरपालिका आयुक्त ज्ञानेश्वर ढेरे प्रमुख पाहुणे म्हणून उपस्थित होते.
असे राबविण्यात आले अभियानाचे
- या अभियानासाठी जळगाव सावखेडा पिंपराळा व मनारखेडा सह इतर ठिकाणी 11 संकलन केंद्रे उभारण्यात आली होती. यासाठी एकूण 1412 श्री सदस्य स्वयंसेवक नेमण्यात आले होते. विसर्जनाच्या दिवशी सकाळी दहा वाजेपासून तर आज पहाटे चार वाजेपर्यंत निर्माल्य संकलन करण्याचे काम अविरत सुरू होते. यात जळगाव शहरातून 50.95 टन, सावखेडा पिंप्राळा केंद्रातून 10.50 टन तर मनारखेडा केंद्रातून 8.50 असे एकूण 74.95 टन निर्मल्य संकलन करण्यात आले आहे..
निर्माल्य प्रक्रिया केंद्र : शिवाजी उद्यान ग्राउंड
शहरातील शिवाजी उद्यान येथे निर्मल सॉर्टिंग चे काम सुरू होते. दोरे प्लास्टिक व इतर कचरा बाजूला करून फक्त फुलं निवडून त्याला खत निर्मितीसाठी पर्यावरणपूरक खतनिर्मिती प्रक्रिया राबविण्यात येणार आहेत.असे नानासाहेब धर्माधिकारी प्रतिष्ठानतर्फे कळविण्यात आले आहे.
या अभियानामुळे जळगाव शहरात पर्यावरण संवर्धनाचा एक मोठा उपक्रम आकारास येणार असून, समाजातील विविध घटकांचा उत्स्फूर्त सहभाग दिसून येत आहे.
“धर्म, पर्यावरण आणि सामाजिक जबाबदारी” या त्रिसूत्रीचा संदेश देणारे हे अभियान आगामी दिवसांत शहरासाठी आदर्श ठरणार असून प्रतिष्ठानचे सर्वत्र कौतुक होत आहे.
—
