जळगाव-केसीई सोसायटी संचलित मूळजी जेठा (स्वायत्त) महाविद्यालय व गांधी रिसर्च फाउंडेशन, जैन तीर्थ, जळगाव यांच्यामध्ये शैक्षणिक व संशोधन क्षेत्रातील ‘मेमोरँडम ऑफ अंडरस्टँडिंग’ (MOU) कार्यक्रमाची बैठक नुकतीच पार पडली. तत्त्वज्ञान विभागाच्या पुढाकाराने आयोजित या उपक्रमामुळे संशोधन व शैक्षणिक देवाणघेवाणीसाठी नवे मार्ग खुले होणार आहेत.
मान्यवरांची उपस्थिती
या कार्यक्रमात महाविद्यालयाचे प्राचार्य प्रा. डॉ. एस. एन. भारंबे, उपप्राचार्य प्रा. डॉ. देवेंद्र इंगळे, तत्त्वज्ञान विभागप्रमुख डॉ. रजनी सिन्हा, तसेच ग्रंथालय प्रमुख डॉ. व्ही. एस. कांची यांची प्रमुख उपस्थिती होती.
गांधी रिसर्च फाउंडेशनच्या वतीने अधिष्ठाता (Dean) प्रा. डॉ. गीता धर्मपाल, सहायक अधिष्ठाता (Assistant Dean) डॉ. अश्विन झाला आणि डॉ. दीपक उपस्थित होते.
कार्यक्रमाची रूपरेषा
बैठकीत MOU च्या माध्यमातून दोन्ही संस्थांमध्ये शैक्षणिक व संशोधन क्षेत्रातील सहकार्याचे नवे प्रकल्प राबविण्याबाबत चर्चा करण्यात आली. विद्यार्थ्यांना तसेच प्राध्यापकांना संशोधन, कार्यशाळा, व्याख्याने व इतर उपक्रमांच्या माध्यमातून लाभ होणार असल्याचे मत मान्यवरांनी व्यक्त केले.
सूत्रसंचालन व आभारप्रदर्शन
कार्यक्रमाचे सूत्रसंचालन तत्त्वज्ञान विभागाच्या सहायक प्राध्यापिका डॉ. पुष्पलता यांनी केले. तर शेवटी आभारप्रदर्शन विभागप्रमुख डॉ. रजनी सिन्हा यांनी मान्यवरांचे मानले.
