नवराज्य डिजिटल न्यूज नेटवर्क
जळगाव : महाराष्ट्र शासनाने उत्तर महाराष्ट्रातील धुळे, जळगाव, नंदुरबार व नाशिक जिल्ह्यांसाठी मुसळधार पावसाचा इशारा दिला आहे. पुढील ३ तासांत या भागात काही ठिकाणी पावसाची तीव्रता वाढून मुसळधार सरी कोसळण्याची शक्यता व्यक्त करण्यात आली आहे.
हवामान खात्याने दिलेल्या माहितीनुसार काही ठिकाणी ३० ते ४० किमी प्रतितास वेगाने वारे, विजांचा कडकडाट आणि मुसळधार पाऊस होण्याची शक्यता आहे.
नागरिकांनी सतर्क राहावे, अनावश्यक बाहेर पडू नये आणि सुरक्षित ठिकाणी आश्रय घ्यावा, असे आवाहन प्रशासनाने केले आहे.
यावेळी सुरू असलेल्या गणेश विसर्जन मिरवणुकांदरम्यान पावसाचा फटका बसू नये म्हणून नागरिकांनी योग्य ती काळजी घ्यावी, अशी विनंती पोलिस व महापालिकेकडून करण्यात आली आहे.
