नवराज्य डिजिटल न्यूज नेटवर्क
: जळगाव कृषी उत्पन्न बाजार समितीच्या सभापती पदी सुनील महाजन यांचा दणदणीत विजय झाला. तर उपसभापतीपदी गोकुळ चव्हाण यांची अविरोध निवड झाली.
सभापती पदासाठी काही दिवसांपासून घडामोडी सुरू होत्या. तत्कालिन सभापती श्यामकांत सोनवणे यांना पायउतार करण्यासाठी काही संचालकांनी अविश्वास दाखल केला. मात्र अविश्वास ठराव बैठकीच्या पूर्वसंध्येला सोनवणे यांनी राजीनामा दिला. यानंतर पॅनल प्रमुख गुलाबराव देवकर आणि सोनवणे यांनी संयुक्त पत्रपरिषद घेत सबकुछ अलबेल असल्याचे घोषीत केले. यांनतर सहलीवर गेलेले संचालक परतले होते. शुक्रवारी सभापती, उपसभापती यांची निवड प्रक्रीया पार पडली.
लकी टेलर अनलकी
सभापती पदासाठी सुनील महाजन विरूद्ध लकी टेलर अशी लढत होती. यात महाजन यांना १५ तर टेलर यांना अवघी २ मते मिळाली. मनोज चौधरी यांनी माघार घेतल्याने थेट लढत पहावयास मिळाली. पीठासीन अधिकारी धर्मराज पाटील यांच्या अध्यक्षतेखाली प्रक्रीया पार पडली. मावळते सभापती सोनवणे मात्र अनुपस्थित होते, हे विशेष.
