जळगाव पाळधी ता धरणगाव आज इम्पिरियल इंटरनॅशनल स्कूल, पाळधी येथे गणपती बाप्पाचे उत्साहाच्या आणि जल्लोषाच्या वातावरणात आगमन झाले. शाळेत इम्पिरियल विद्यार्थी गणेश मंडळ स्थापन करण्यात आले.
विद्यार्थ्यांनी बाप्पाच्या आगमनाची संपूर्ण तयारी केलेली होती. शाळेचे चेअरमन नरेश चौधरी, कार्यकारी संचालक जी. डी. पाटील, प्राचार्य विवेक रुपनर,सर्व शिक्षक व शिक्षकेतर कर्मचारी आणि सर्व विद्यार्थी-विद्यार्थिनींच्या उपस्थितीत ढोल ताशांच्या गजरात बाप्पाचे आगमन झाले. सार्वजनिक गणेशाची स्थापना करतांना विद्यार्थ्यांना टीम वर्क, बाजारातील माहिती, खरेदी कौशल्य, मंडळाचा हिशोब ठेवणे, इत्यादी विषयांचे ज्ञान मिळण्यासाठी शाळेकडून मार्गदर्शन मिळत असते. गणेशाची स्थापना झाल्यानंतर सर्व विद्यार्थ्यांना मोदकाचा प्रसाद देण्यात आला.यावेळी शिक्षक शिक्षिका व कर्मचारी वृंद उपस्थित होते.







