ओजस्विनी कला महाविद्यालयाचा ए.एम. अभ्यासक्रमाचा निकाल १०० टक्के
जळगाव – के.सी.ई. सोसायटीचे ओजस्विनी कला महाविद्यालयाने पुन्हा एकदा यशाच्या शिखरावर पोहोचले आहे. महाविद्यालयाच्या ए.एम. (आर्ट मास्टर) या अभ्यासक्रमाचा निकाल १०० टक्के लागला आहे. महाविद्यालयातील सर्व विद्यार्थी यशस्वीरित्या उत्तीर्ण झाले आहेत.या निकालामध्ये जगताप चित्रा जगदीश हिने प्रथम क्रमांक पटकावला, तर दाभाडे सुनील न्हानू द्वितीय आणि मंडवे पूनम अशोक तृतीय क्रमांकाने उत्तीर्ण झाले आहेत. या विद्यार्थ्यांच्या घवघवीत यशामुळे महाविद्यालयाच्या शिरपेचात आणखी एक मानाचा तुरा खोवला गेला आहे.
या यशाबद्दल के.सी.ई. सोसायटीचे अध्यक्ष प्रज्ञावंत नंदकुमार बेंडाळे, प्रशासकीय अधिकारी शशिकांत वडोडकर, प्राचार्य मिलन भामरे, तसेच प्राध्यापक प्रसाद देसाई, पुरुषोत्तम घाटोळ, पियुष बडगुजर, दिगंबर शिरसाळे, ऋषिकेश इसाने, आणि राजेंद्र सरोदे यांनी सर्व उत्तीर्ण विद्यार्थ्यांचे आणि महाविद्यालयाचे अभिनंदन केले आहे.विद्यार्थ्यांच्या या यशामागे महाविद्यालयाचे कुशल मार्गदर्शन आणि कठोर परिश्रमांचा मोठा वाटा असल्याचे नमूद करण्यात आले.
