जळगाव आव्हाने शिवार, –
आजच्या युगात निरोगी राहायचे असेल तर शरीराचा घाम निघेपर्यंत काम करत रहा, प्लास्टिकचा वापर टाळा प्रदूषणापासून मुक्त रहा . मोबाईलचा अतिवापर टाळा पासून लांब रहा .असे प्रतिपादन सुप्रसिद्ध कॅन्सर तज्ञ डॉ निलेश चांडक यांनी केले. ते श्री समर्थ विद्यालय समूहात ७९ वा ध्वजारोहण सोहळा प्रसंगी विद्यार्थ्यांशी संवाद साधत होते.
यावेळीप्रमुख पाहुणे म्हणून मा. नगरसेविका गायत्री शिंदे, दिनेश देसाई, युनूस पिंजारी, रविंद्र पाटील , प्राथमिक विद्यालयाच्या मुख्याध्यापिका हर्षाली पाटील, माध्यमिविद्यालयाच्या मुख्याध्यापिका वैशाली शिंदे , श्री मनोज पाटील इंटरनॅशनल स्कूलच्या मुख्याध्यापिका मंजुषा सोनवणे आदी उपस्थित होते. व्यासपीठावर मोठ्या उत्साहात व देशभक्तीच्या जल्लोषात पार पडला. शाळा परिसरात विद्यार्थी, पालक, माजी विद्यार्थी व ग्रामस्थांची उपस्थिती लाभली. देशभक्तीपर गीतांच्या गजरात, प्रमुख मान्यवरांच्या उपस्थितीत राष्ट्रीय ध्वज फडकवण्यात आला.संस्थेचे अध्यक्ष श्री मनोज पाटील सर व संचालक चि. रामराजे पाटील यांनी विद्यार्थ्यांचे मनःपूर्वक कौतुक करून त्यांच्या उज्ज्वल भविष्यासाठी शुभेच्छा दिल्या.
कार्यक्रमाचे अध्यक्ष कॅन्सरतज्ञ डॉ.नीलेश चांडक होते.
ध्वजारोहणानंतर विद्यार्थ्यांनी देशभक्तीपर गीते, कविता, भाषणे व नृत्य सादर करून वातावरण भारावून टाकले. मुख्याध्यापिका हर्षाली पाटील, मुख्याध्यापिका वैशाली शिंदे मुख्याध्यापिका मंजुषा सोनवणे यांच्या मार्गदर्शनाखाली संपूर्ण कार्यक्रमाचे नियोजन यशस्वीरीत्या करण्यात आले.
कार्यक्रमाच्या यशस्वीतेसाठी सर्व शिक्षकवृंद व शिक्षकेतर कर्मचारी यांनी मनापासून परिश्रम घेतले. सूत्रसंचलन व आभार प्रदर्शन चैताली पाटील यांनी मानले.
