एक्यूप्रेशर क्रॅश कोर्स यशस्वीपणे संपन्न
एम.जे. कॉलेजचे सोहम योग आणि पराग कुलकर्णी ॲक्युप्रेशर ट्रीटमेंट सेंटर नागपूर यांचा संयुक्त उपक्रम
जळगाव-मू.जे. महाविद्यालयाचे सोहम् डिपार्टमेंट ऑफ योग अँड नॅचरोपॅथी आणि श्री साई समर्थ एज्युकेशनल मेडिकल अँड रिसर्च सेंटरचे पराग कुलकर्णी एक्यूप्रेशर ट्रीटमेंट सेंटर नागपूर व यांच्या संयुक्त विद्यमाने सात दिवसीय एक्यूप्रेशर क्रॅश कोर्सचे आयोजन सोहम योग विभागामध्ये दि. ४ ते १० ऑगस्ट दरम्यान करण्यात आले होते. या कोर्सचा समारोपीय कार्यक्रम १० ऑगस्ट २०२५ रोजी उत्साहात संपन्न झाला.
समारोप प्रसंगी प्रमुख अतिथी के. सी. ई
सोसायटीच्या शैक्षणिक संचालक डॉ. मृणालिनी फडणवीस, एक्यूप्रेशर तज्ञ डॉ. पराग कुळकर्णी, योग विभागाचे प्रमुख डॉ. देवानंद सोनार व भवतीक जोशी व्यासपीठावर उपस्थित होते. मान्यवरांनी मार्गदर्शन करताना सांगितले की, “एक्यूप्रेशर ही प्राचीन उपचारपद्धती केवळ शारीरिक वेदना कमी करण्यासाठीच नव्हे, तर मानसिक संतुलनासाठीही उपयुक्त आहे.”
सात दिवसांच्या कालावधीत सहभागी विद्यार्थ्यांना या कोर्समध्ये एक्यूप्रेशरचे मूलतत्त्व, शरीरातील ऊर्जा बिंदू, रोगनिवारणासाठी विविध दाबपद्धती तसेच स्व-उपचार तंत्र यांचा सखोल अभ्यास व प्रात्यक्षिक प्रशिक्षण देण्यात आले. प्रत्यक्ष सरावातून विविध उपचारपद्धती आत्मसात केल्या. कोर्स यशस्वी करण्यासाठी नागपूरचे ॲक्युप्रेशर तज्ञ डॉ. पराग कुळकर्णी व भवतीक जोशी यांचे मोलाचे योगदान राहिले. या कोर्समध्ये एकूण ४० महिला पुरुषांनी सहभाग नोंदविला.
समारोप सोहळ्यात सर्व सहभागींना मान्यवरांच्या हस्ते प्रमाणपत्रे प्रदान करण्यात आली. उपस्थितांनी प्रतिक्रिया देताना ॲक्युप्रेशर च्या माध्यमातून अनेक विकारापासून मुक्ती मिळाल्याची भावन व्यक्त केली. प्रशिक्षणाचा उपयोग समाजाच्या आरोग्यवर्धनासाठी करण्याचा संकल्प यावेळी व्यक्त केला आणि भविष्यात दीर्घ कालावधीचे एक्युप्रेशर चे कोर्स सुरू करावेत अशी अपेक्षा व्यक्त केली.
आयोजनमध्ये प्राचार्य संजय ना. भारंबे, प्रा. मृणालिनी फडणविस यांचे मार्गदर्शन व योगदान लाभले. कार्यक्रमाचे सूत्रसंचालन प्रा. ज्योती वाघ यांनी केले. यशस्वीतेसाठी प्रा. पंकज खाजबागे, प्रा. श्रध्दा व्यास, स्वप्नाली महाले, राहुल खरात, आयुष तोतला आणि एम. ए. योगशास्त्र अभ्यासक्रमाच्या विद्यार्थ्यांनी परिश्रम घेतले.
