गं भा जनाबाई किसन अहिरे यांचे वृद्धापकाळाने निधन
जळगाव : येथील अवधूत संप्रदायातील श्रीपंत भक्त गं भा जनाबाई किसन अहिरे (वय ७५) यांचे मंगळवार, दि. १ सप्टेंबर २०२६ रोजी सकाळी ६ वाजता वृद्धापकाळाने निधन झाले.
श्रीमती जनाबाई अहिरे या श्रीपंत कृपा हेअर सलूनचे संचालक राजेंद्र किसन अहिरे, सामाजिक कार्यकर्ते संजय अहिरे आणि अतुल अहिरे यांच्या मातोश्री होत. त्यांच्या निधनाने अहिरे परिवारावर दुःखाचा डोंगर कोसळला असून, नातेवाईक, मित्रपरिवार तसेच परिचितांकडून शोक व्यक्त करण्यात येत आहे.
अंत्ययात्रा आज मंगळवार, दि. १ सप्टेंबर २०२६ रोजी दुपारी ३ वाजता त्यांच्या राहत्या घरून निघणार आहे. त्यांचे राहते घर प्लॉट नं. १८, तळेले कॉलनी, जुना खेडी रोड, जळगाव येथे असून, तेथून अंत्ययात्रा नेरी नाका स्मशानभूमी येथे जाईल. तेथे त्यांच्या पार्थिवावर अंत्यविधी करण्यात येणार आहे.
अवधूत संप्रदायातील भक्त म्हणून त्यांची श्रद्धा व धार्मिक सेवाभाव यामुळे त्या परिचित होत्या. त्यांच्या निधनाने परिवारासह परिचितांमध्ये हळहळ व्यक्त होत आहे.
