नवराज्य Live न्यूज नेटवर्क
जळगाव :श्री समर्थ प्राथमिक विद्यामंदिर व श्री मनोज पाटील इंग्लिश मीडियम स्कूल, आव्हाणे शिवार, जळगाव येथे लोकमान्य बाळ गंगाधर टिळक यांच्या पुण्यतिथीनिमित्त तसेच लोकशाहीर अण्णाभाऊ साठे यांच्या जयंतीनिमित्त अभिवादनाचा कार्यक्रम उत्साहपूर्ण वातावरणात संपन्न झाला.
कार्यक्रमाच्या प्रारंभी लोकमान्य टिळक व लोकशाहीर अण्णाभाऊ साठे यांच्या प्रतिमांना पुष्पहार अर्पण करून विनम्र अभिवादन करण्यात आले. त्यानंतर विद्यालयातील शिक्षकांनी लोकमान्य टिळक यांच्या स्वातंत्र्यलढ्यातील योगदान, शिक्षणाबाबतचे विचार आणि राष्ट्रनिर्मितीतील त्यांच्या कार्याचा आढावा घेतला.
याचप्रमाणे लोकशाहीर अण्णाभाऊ साठे यांच्या साहित्यसंपदा, सामाजिक कार्य, वंचित समाजाच्या उन्नतीसाठीचे योगदान तसेच समाजप्रबोधनातील महत्त्वपूर्ण कार्य विद्यार्थ्यांसमोर उलगडून सांगण्यात आले. विद्यार्थ्यांनी या महान व्यक्तिमत्त्वांच्या कार्याचा आदर्श घेऊन शिक्षणासोबतच समाजसेवा, प्रामाणिकपणा आणि राष्ट्रप्रेमाची भावना जोपासावी, असे आवाहन शिक्षकांनी केले.
यावेळी प्राथमिक विभागाच्या मुख्याध्यापिका सौ. हर्षाली पाटील, इंग्लिश मीडियम विभागाच्या मुख्याध्यापिका सौ. मंजुषा सोनवणे, शिक्षकवृंद तसेच शिक्षकेतर कर्मचारी मोठ्या संख्येने उपस्थित होते. कार्यक्रमाचे आयोजन अत्यंत उत्साहपूर्ण व प्रेरणादायी वातावरणात पार पडले.
