नवराज्य Live न्यूज नेटवर्क
जळगाव – आषाढी एकादशीनिमित्त केसीई सोसायटी संचालित किलबिल बालक मंदिर, गुरुवर्य प. वि. पाटील विद्यालय, ओरियन इंग्लिश मिडीयम स्टेट बोर्ड, ओरियन सीबीएसई तसेच एम. जे. कॉलेजच्या नृत्य विभागाच्या संयुक्त विद्यमाने सांस्कृतिक कार्यक्रमाचे आयोजन करण्यात आले.
या कार्यक्रमामध्ये सर्व शाळांतील विद्यार्थ्यांनी विविध सांस्कृतिक कार्यक्रमांचे उत्कृष्ट सादरीकरण केले. यामध्ये गुरुवर्य प. वि. पाटील विद्यालयाच्या विद्यार्थ्यांनी सादर केलेल्या दिंडी नृत्याने उपस्थित प्रेक्षकांची विशेष मने जिंकली. या उत्कृष्ट सादरीकरणाबद्दल विद्यालयाच्या दिंडी नृत्याला स्पर्धेत प्रथम क्रमांकाचा मान मिळाला.
या कार्यक्रमासाठी विद्यार्थ्यांना उपशिक्षिका कल्पना तायडे, दीपक पाटील, मनीषा दांडगे आणि योगेश भालेराव यांचे मार्गदर्शन लाभले. तसेच उपशिक्षिका स्वाती पाटील, उपशिक्षक राहुल चौधरी, सुनील वंजारी तसेच शिपाई सुनील नारखेडे आणि सुधीर वाणी यांनी कार्यक्रमाच्या यशस्वी आयोजनासाठी मोलाचे सहकार्य केले.
यावेळी शालेय समन्वयक शशिकांत वडोदकर, शालेय सांस्कृतिक समन्वयक मृणालिनी फडणवीस, मुख्याध्यापिका धनश्री फालक, मुख्याध्यापिका सुषमा कंची, मुख्याध्यापिका प्रणिता झांबरे तसेच ललित कान्ह कट्टा समन्वयक प्रसाद देसाई यांच्यासह अनेक मान्यवर उपस्थित होते. कार्यक्रम यशस्वीरीत्या पार पडल्याबद्दल सर्व स्तरांतून आयोजकांचे व विद्यार्थ्यांचे कौतुक करण्यात आले.
