विद्यार्थ्यांनो जीवनात यशस्वी व्हायचे असेल तर आधी दिशा ठरवा – खा. स्मिता वाघ

नवराज्य Live न्यूज नेटवर्क

जळगाव : मन आणि शरीर चांगले असेल तर आकाशालाही गवसणी घालता येते. विद्यार्थ्यांनो, जीवनात यशस्वी व्हायचे असेल तर सर्वप्रथम आपल्या ध्येयाची दिशा निश्चित करा, असे प्रतिपादन जळगाव लोकसभा मतदारसंघाच्या खासदार स्मिता वाघ यांनी केले. त्या शहराचे आमदार सुरेश भोळे (राजूमामा) यांच्या वाढदिवसानिमित्त भारतीय जनता पार्टी जळगाव महानगरच्या वतीने आयोजित गरजू विद्यार्थ्यांसाठी वह्या वाटप कार्यक्रमात बोलत होत्या.

या उपक्रमांतर्गत जळगाव महानगरातील ५ मंडलांमधील मनपा शाळांतील सुमारे ११०० गरजू विद्यार्थ्यांना वह्यांचे वाटप करण्यात आले. विद्यार्थ्यांच्या चेहऱ्यावर आनंद दिसून येत होता.

कार्यक्रमास भाजपा महानगर जिल्हाध्यक्ष दीपक सूर्यवंशी, महापौर दीपमाला काळे, स्थायी समिती सभापती डॉ. चंद्रशेखर पाटील तसेच विद्यार्थ्यांचे प्रमुख मार्गदर्शक रामचंद्र पाटील यांची प्रमुख उपस्थिती होती.

यावेळी भाजपा सरचिटणीस विशाल त्रिपाठी, नितीन इंगळे, जयेश भावसार, ज्येष्ठ भाजपा कार्यकर्ते उदय भालेराव, रेखा वर्मा, कार्यक्रम संयोजक मिलिंद चौधरी, दिपक परदेशी, पितांबर भावसार, सचिन बाविस्कर, मंडळ अध्यक्ष अजित राणे, विनोद मराठे, अतुल बारी, नगरसेवक गायत्री राणे, वैशाली पाटील, आशा पाटील, अंकिता पाटील, रंजना वानखेडे, जयश्री पाटील, नितीन बरडे, निलेश (आबा) तायडे, कल्पेश सोनवणे, विजय बांदल, रमेश मताणी, जाकीर पठाण, सुभाष शौचे, रबियाबी शेख, प्रदीप रोटे, संतोष इंगळे, किरण भोई, सोहम खडके, महिला मोर्चा अध्यक्ष नितू परदेशी, विनय बाहेती, जितेंद्र चव्हाण, दीप्ती ताई चिरमाडे, महेश चौधरी, तुषार सूर्यवंशी तसेच भारतीय जनता पार्टीचे पदाधिकारी, नगरसेवक व कार्यकर्ते मोठ्या संख्येने उपस्थित होते.

कार्यक्रमाच्या सुरुवातीला दीपप्रज्वलन करण्यात आले. त्यानंतर मान्यवरांचे मार्गदर्शन झाले. यावेळी गरजू विद्यार्थ्यांना वह्यांचे वाटप करण्यात आले.

कार्यक्रमाचे सूत्रसंचालन उदय भालेराव यांनी केले तर आभार प्रदर्शन मिलिंद चौधरी यांनी मानले.