के.सी.ई. सोसायटी संचलित ए. टी. झांबरे माध्यमिक विद्यालयात राष्ट्रीय वाचन प्रेरणा दिवस उत्साहात संपन्न
जळगाव, दि. १९ जून २०२६ : के.सी.ई. सोसायटी संचलित ए. टी. झांबरे माध्यमिक विद्यालय, जळगाव, रेडिओ मनभावन ९०.८ एफएम, कम्युनिटी रेडिओ असोसिएशन (CRA) आणि पी. एन. पणिक्कर फाउंडेशन यांच्या संयुक्त विद्यमाने राष्ट्रीय वाचन प्रेरणा दिवस उत्साहपूर्ण वातावरणात साजरा करण्यात आला.
विद्यार्थ्यांमध्ये वाचनाची आवड निर्माण व्हावी, ज्ञानसंपदा वाढावी, भाषिक कौशल्यांचा विकास व्हावा, चिकित्सक विचारसरणी जोपासली जावी तसेच पुस्तकांशी मैत्री निर्माण होऊन वाचन संस्कृती अधिक बळकट व्हावी या उद्देशाने कार्यक्रमाचे आयोजन करण्यात आले होते.
कार्यक्रमासाठी प्रमुख पाहुणे म्हणून ॲड. गोविंद देशपांडे, कान्ह ललित कला केंद्राचे समन्वयक प्रा. डॉ. जयेंद्र लेकुरवाळे, रेडिओ मनभावनचे संचालक श्री. अमोल देशमुख तसेच रेडिओ जॉकी कु. शुभांगी बडगुजर उपस्थित होते.
