नवराज्य Live न्यूज नेटवर्क
भारतीय जनता पार्टी, जिल्हा महानगर जळगाव अंतर्गत भाजपा कामगार महानगर जिल्हाध्यक्षपदी प्रशांत जाधव यांची नियुक्ती करण्यात आली आहे. ही नियुक्ती महाराष्ट्र राज्याचे मुख्यमंत्री देवेंद्र फडणवीस, प्रदेशाध्यक्ष रवींद्र चव्हाण, केंद्रीय राज्यमंत्री रक्षा खडसे, जलसंपदा मंत्री गिरीश महाजन, वस्त्रोद्योग मंत्री संजय सावकारे, प्रदेश महामंत्री विजय चौधरी, विभागीय संघटन मंत्री रविंद्र अनासपुरे, खासदार स्मिता वाघ, आमदार सुरेश भोळे (राजूमामा), आमदार मंगेश चव्हाण, आमदार अमोल जावळे यांच्या मार्गदर्शनाखाली करण्यात आली.
प्रशांत जाधव यांनी पक्षाचे सक्रिय कार्यकर्ते म्हणून विविध जबाबदाऱ्या यशस्वीपणे पार पाडल्या आहेत. त्यांच्या कार्याची दखल घेत त्यांना ही महत्त्वाची जबाबदारी देण्यात आली असून, आगामी काळात ते कामगार क्षेत्रात अधिकाधिक समाजकार्य करत पक्ष संघटना बळकट करण्यासाठी योगदान देतील, अशी अपेक्षा व्यक्त करण्यात आली आहे.
नियुक्तीनंतर प्रशांत जाधव यांनी सर्व मान्यवरांचे आभार मानत सांगितले की, पक्षाने दिलेली जबाबदारी ही सन्मानाची शपथ असून, ती प्रामाणिकपणे आणि निष्ठेने पार पाडणार आहेत. कामगार बांधवांसाठी आणि राष्ट्रहितासाठी कार्य करण्याचा निर्धार त्यांनी व्यक्त केला.
या प्रसंगी भाजपा जिल्हाध्यक्ष दीपक सूर्यवंशी, महापौर दीपमाला काळे, कोषाध्यक्ष विजय वानखेडे आदी मान्यवर उपस्थित होते. तसेच समाजातील विविध क्षेत्रांतील मान्यवर आणि कामगार संघटनांकडून त्यांच्या निवडीचे स्वागत व अभिनंदन करण्यात आले.
