नवराज्य Live न्यूज नेटवर्क
पाळधी बु., ता. धरणगाव – निर्मिती शिक्षण प्रसारक मंडळ संचलित निर्मिती इन्स्टिट्यूट ऑफ फार्मसी, पालखी बु. येथे दि. १६ एप्रिल २०२६ रोजी रोजगार मेळाव्याचे आयोजन करण्यात आले. या मेळाव्यात लुपिन फार्मास्युटिकल लिमिटेड, गोवा या नामांकित कंपनीच्या सहकार्याने कॅम्पस मुलाखती घेण्यात आल्या.
या मुलाखतीसाठी कंपनीचे HR Head चंद्रेश मुंडा, वरिष्ठ पॅटाईक प्रोसेस हेड तसेच प्रॉडक्शन मॅनेजर गोपाल धनगर उपस्थित होते. कार्यक्रमाच्या अध्यक्षस्थानी संस्थेचे प्राचार्य डॉ. तुषार देशमुख होते. कार्यक्रमाची सुरुवात दीपप्रज्वलन व सरस्वती पूजनाने करण्यात आली.
प्रास्ताविकात गोपाल धनगर यांनी लुपिन कंपनीची माहिती देत विद्यार्थ्यांना मार्गदर्शन केले. तसेच फार्मसी क्षेत्रातील करिअरच्या संधींबाबतही त्यांनी सविस्तर माहिती दिली.
या कॅम्पस ड्राइव्हमध्ये विविध महाविद्यालयांतील एकूण २१९ विद्यार्थ्यांनी सहभाग नोंदवला होता. त्यापैकी २० विद्यार्थ्यांची प्रॉडक्शन विभागासाठी निवड करण्यात आली.निवड झालेल्या विद्यार्थ्यांमध्ये फार्मसी महाविद्यालय नंदुरबार, एरंडोल, चालिसगाव, एसएमबीटी, आर.सी. पटेल, तसेच आयओपी फार्मसी महाविद्यालय शिरपूर येथील विद्यार्थ्यांचा समावेश आहे. कार्यक्रमाच्या यशस्वीतेसाठी प्राचार्य डॉ. तुषार देशमुख, प्रा. स्वप्निल भांडारकर, प्रा. कुलदीप पाटील, प्रा. डॉ. उमेश महाजन, प्रा. गिरीश विसपुते तसेच सर्व शिक्षक व शिक्षकेतर कर्मचाऱ्यांनी परिश्रम घेतले. कार्यक्रमाचे
सूत्रसंचालन प्रा. राम चौधरी यांनी केले तर आभार प्रदर्शन प्रा. रोहित बाविस्कर यांनी मानले.या कार्यक्रमासाठी संस्थेचे अध्यक्ष मनोज पाटील व सचिव सुनील पाटील यांचे मार्गदर्शन लाभले.
