नवराज्य Live न्यूज नेटवर्क
जळगाव – तालुक्यातील कुसुंब्यात वन्यप्राण्यांनी एका फार्महाऊसमधील चार वासरांचा दोन रात्रीत हल्ला करून फडशा पाडला. यामुळे परिसरात भीतीचे वातावरण पसरले आहे. वनविभाग व पशुवैद्यकीय अधिकाऱ्यांनी घटनास्थळी पंचनामे केले आहे. या फार्महाऊसवर आता सीसीटीव्हीची नजर राहणार आहे.
जळगाव-छत्रपती संभाजीनगर मार्गावरील अहिंसा तीर्थ गोशाळेसमोर अनंत पाटील यांचे फार्महाऊस आहे. यात गेल्या २०-२२ वर्षांपासून गायी आणि वासरे बांधलेली असतात. शनिवारी सकाळी साडेसातला अनंत पाटील गायीचे दूध घेण्यासाठी फार्महाऊसमध्ये गेले असता तीन वासरे मृत आढळली. यात २ वर्षाचा एक, १८ महिन्याचा एक व तिसरा १२ महिन्याच्या वासराचा समावेश आहे. ही माहिती त्यांनी पोलिस पाटील
हल्लेखोर प्राणी नेमका कोणता?
हल्ल्यानंतर आता अनंत पाटील यांनी फार्महाऊसमधील ६ गायी व १ वासरू गावात नेऊन बांधले आहे. तसेच फार्महाऊसमध्ये सीसीटीव्ही कॅमेरे लावले. दरम्यान, रात्रीच्या सुमाराला वासरांवर हल्ला करणारा वन्य प्राणी तडस किंवा कोल्हा असण्याचा अंदाज वनविभागाने वर्तवला आहे.
परिसरात भीती, वनविभागासह पशुवैद्यकीयचा पंचनामा
राधेश्याम चौधरी, पशुसंवर्धन एमआयडीसी अधिकारी, पोलिस व वन विभागाला कळवली. सुरुवातीला सर्वांनी कुत्र्यांच्या टोळीचा हल्ला केला असल्याची शक्यता वर्तवली. मात्र, हा वन्य प्राण्यांचा हल्ला असल्याची खात्री असल्याने अनंत पाटील यांनी शवविच्छेदनाची मागणी केली. त्यानंतर जळगावहून पशुवैद्यकीय अधिकारी डॉ. सोनवणे यांनी घटनास्थळी शवविच्छेदन केले
रविवारीही घटनेची पुनरावृत्ती
रविवारी सकाळी अनंत पाटील हे फार्महाऊसवर गेल्यावर त्यांना पुन्हा २ वर्षाच्या वासराचे पोट फाडून अर्धवट खाल्लेले आढळले. वन विभागाला पुन्हा कळवल्यावर त्यांनी घटनास्थळी पंचनामा केला. यावेळी वनपाल उमाकांत कोळी, मेहरूणचे वनरक्षक अजय रायसिंगे, उमाळ्याचे वनरक्षक हरीश थोरात, पशुधन पर्यवेक्षक डॉ. योगेश पाटील हे उपस्थित होते.
