पाळधी (प्रतिनिधी):
CBSE बोर्डाच्या इयत्ता दहावीचा निकाल नुकताच जाहीर झाला असून पाळधी येथील इम्पिरियल इंटरनॅशनल स्कूल ने यंदाही शंभर टक्के निकालाची परंपरा कायम राखत उल्लेखनीय यश संपादन केले आहे.
या निकालात शौर्य काबरा याने 95.5 टक्के गुण मिळवत शाळेत प्रथम क्रमांक पटकावला. तसेच सर्व विद्यार्थ्यांनी उत्कृष्ट कामगिरी करत यश संपादन केले असून शाळेचे नाव उज्ज्वल केले आहे.
या यशाबद्दल शाळेचे चेअरमन इंजि. नरेश चौधरी यांनी विद्यार्थ्यांचे कौतुक करत त्यांच्या पुढील शैक्षणिक वाटचालीस शुभेच्छा दिल्या. त्यांनी विद्यार्थ्यांच्या यशामागे सातत्यपूर्ण मेहनत आणि योग्य मार्गदर्शन महत्त्वाचे असल्याचे सांगितले.
तसेच शाळेचे कार्यकारी अधिकारी श्री. जी. डी. पाटील यांनी विद्यार्थ्यांचे अभिनंदन करून त्यांच्या उज्ज्वल भविष्यासाठी शुभेच्छा व्यक्त केल्या.
प्राचार्य विवेक रुपनर यांनीही विद्यार्थ्यांचे अभिनंदन करत शिक्षकवृंदांच्या परिश्रमांचे विशेष कौतुक केले.
विद्यार्थ्यांच्या या यशामुळे पालकांमध्ये समाधानाचे वातावरण असून शाळेने नेहमीप्रमाणे गुणवत्तापूर्ण शिक्षण देत उत्कृष्ट निकालाची परंपरा कायम ठेवली आहे.
