( संतोष ताडे प्रतिनिधी शिरसोली )
शिरसोली : जागतिक होमिओपॅथिक दिन तसेच होमिओपॅथीचे जनक सॅम्युअल हॅनेमन यांच्या जयंतीनिमित्त शासकीय होमिओपॅथिक महाविद्यालय व रुग्णालय, जळगाव यांच्या वतीने शिरसोली प्र.न. येथील मराठी शाळेत बुधवारी (दि. १ एप्रिल २०२६) सकाळी ९ ते दुपारी २ या वेळेत मोफत आरोग्य तपासणी व रक्त तपासणी शिबिराचे आयोजन करण्यात आले. यावेळी नागरिकांना आवश्यक औषधेही मोफत देण्यात आली.
या शिबिरात शासकीय होमिओपॅथिक मेडिकल कॉलेजचे डीन डॉ. पराग भागवत यांनी रुग्णांना मार्गदर्शन करताना सांगितले की, हा उपक्रम केवळ एका दिवसापुरता मर्यादित नसून रुग्णांचे आरोग्य सुधारेल तोपर्यंत संपूर्ण उपचार व औषधे उपलब्ध करून दिली जातील. तसेच शासकीय होमिओपॅथिक महाविद्यालय व रुग्णालय (देवकर कॉलेज परिसर) येथे सर्व प्रकारच्या रक्त तपासण्या व विविध आजारांवरील उपचार मोफत केले जातात.
शारीरिक व्याधी, व्यसनमुक्ती तसेच मानसिक आजारांवरही येथे मोफत उपचार उपलब्ध असून परिसरातील नागरिकांनी या सुविधांचा लाभ घ्यावा, असे आवाहन त्यांनी केले.
या वेळी नि.वै. डॉ. केयूर चौधरी, डॉ. योगेश, ताळे सर, डॉ. एस.आर. पाटील, शिरसोली प्र.न.चे माजी उपसरपंच रामकृष्ण काटोले, संतोष ताडे, भरत बारी, मुद्दसर पिंजारी, मयूर भुते, मुख्याध्यापक शंकरलाल साळुंखे, रहिमान तांबोळी, किशोर पाटील, सुनीता पाटील, संध्या पाटील, नंदलाल सोनवणे, अश्विनी बारी आदी उपस्थित होते.
या शिबिराच्या यशस्वीतेसाठी रुग्णालयातील कर्मचाऱ्यांनी परिश्रम घेतले.
