नवराज्य Live न्यूज नेटवर्क
जळगाव – देशभरातील वैद्यकीय शिक्षणासाठी प्रवेश घेऊ इच्छिणाऱ्या विद्यार्थ्यांसाठी महत्त्वाची असलेल्या NEET 2026 (नॅशनल एलिजिबिलिटी कम एंट्रन्स टेस्ट) परीक्षेसाठी अर्ज प्रक्रिया उद्यापासून सुरू होणार आहे. इच्छुक विद्यार्थ्यांनी वेळेत अर्ज भरून प्रक्रिया पूर्ण करण्याचे आवाहन करण्यात आले आहे.
या परीक्षेसाठी अर्ज भरण्याची अंतिम मुदत ८ मार्च रात्री ९ वाजेपर्यंत निश्चित करण्यात आली आहे. अर्ज भरल्यानंतर काही त्रुटी आढळल्यास विद्यार्थ्यांना १० ते १२ मार्च या कालावधीत अर्जामध्ये दुरुस्ती करण्याची संधी उपलब्ध करून देण्यात येणार आहे.
दरम्यान, नीट २०२६ परीक्षा ३ मे रोजी देशभरातील विविध केंद्रांवर आयोजित करण्यात येणार आहे. वैद्यकीय व दंतवैद्यकीय अभ्यासक्रमांसाठी प्रवेश मिळविण्यासाठी ही परीक्षा अत्यंत महत्त्वाची मानली जाते.
म्हणूनच वैद्यकीय क्षेत्रात करिअर करण्याची इच्छा असलेल्या विद्यार्थ्यांनी अर्ज करताना आवश्यक कागदपत्रे, शैक्षणिक माहिती व इतर तपशील अचूक भरावेत, तसेच अंतिम तारखेपूर्वी अर्ज प्रक्रिया पूर्ण करावी, असे आवाहन करण्यात आले आहे.
