“अशोकभाऊ” आधारवड, प्रेरणादायी दीपस्तंभ
नवराज्य Live न्यूज नेटवर्क
जळगाव – जळगावच्या विकासाशी जैन उद्योग समूह हे नाव अतूटपणे जोडलेले आहे. देश-विदेशात कार्यरत असलेला जैन उद्योग समूह हा औद्योगिक प्रगतीचा एक महत्त्वाचा अध्याय ठरला आहे. जैन उद्योग समूहाचे पायाभूत रोप श्रद्धेय भवरलालजी जैन (मोठेभाऊ) यांनी रोवले आणि त्याचे रूपांतर एका विशाल वटवृक्षात झाले. त्यांनी घेतलेला वसा आज जैन उद्योग समूहाचे अध्यक्ष अशोक भवरलालजी जैन समर्थपणे पुढे चालवत आहेत.
आज त्यांचा वाढदिवस असून सर्वत्र ते “अशोकभाऊ जैन” या नावाने परिचित आहेत. जळगावच्या विकासप्रक्रियेत जैन उद्योग समूहाचे योगदान मोलाचे असून, त्याची ओळख जागतिक पातळीवर निर्माण झाली आहे.
त्यांच्या प्रेरणादायी जीवनप्रवासावर देवेंद्र पाटील यांनी शब्दांतून भावना व्यक्त केल्या आहेत.
जीवनाच्या प्रवासात काही व्यक्ती
फक्त सोबत चालत नाहीत,
तर वाट दाखवतात, सावली देतात
आणि थकलेल्या पावलांना आधार होतात…
जैन इरिगेशनचे अध्यक्ष अशोक जैन हे असेच एक नाव आहे, ज्याचा उच्चार होताच विश्वास जागा होतो. पितृतुल्य अशोकभाऊ खऱ्या अर्थाने सर्वांचे आधारवड आहेत.
त्यांच्या शब्दांत मायेची ऊब आहे,
तर कृतीत कर्तव्याची निष्ठा आहे.
कोणाच्याही यशात ते पुढे नसतात,
पण प्रत्येक यशामागे त्यांचा हात असतो.
क्रीडा असो वा आरोग्य,
शिक्षण असो वा धर्म,
सामाजिक व सांस्कृतिक प्रवाहांत
ते सातत्याने आशेचा दीप प्रज्वलित करतात.
प्रोत्साहन देताना ते वेळ, श्रम वा साधनांची मोजदाद करत नाहीत; कारण त्यांच्यासाठी समाज म्हणजेच कुटुंब आहे. राष्ट्रीय पातळीवर जळगावचे नाव उज्ज्वल करणाऱ्यांसाठी ते सुविधा, साहित्य आणि संधींचा पूल उभारतात, स्वप्नांना पंख देतात आणि ठामपणे म्हणतात —
“तू पुढे जा, आम्ही तुझ्या पाठीशी आहोत.”
आई कांताईंच्या मायेचा ओलावा आणि श्रद्धेय भवरलालजी जैन (मोठेभाऊ) यांच्या संस्कारांचा दीप आजही त्यांच्या विचारांत तेवत आहे. वसा जपत त्यांनी वारसा अधिक उजळवला आणि मूल्यांची मशाल पुढील पिढीकडे सोपवली.
अशोकभाऊ म्हणजे केवळ एक व्यक्ती नव्हे—
ते एक आधार आहेत,
एक संस्कार आहेत,
आणि अनेकांच्या जीवनात शांत पण तेजस्वी उपस्थिती आहेत.
अनेक जीवनांच्या अंधारात ते आजही आशेचा उजेड पेरत आहेत…
— देवेंद्र पंढरीनाथ पाटील
📞 ९४०४९५५२४५
