नवराज्य Live न्यूज नेटवर्क
जळगाव – बँक ऑफ महाराष्ट्रच्या २९०५ व्या शाखेचा आणि जळगाव झोनमधील ४४ व्या शाखेचा शुभारंभ आज दि. २६ रोजी सकाळी १०.३० वाजता जळगाव येथे होणार आहे. ही शाखा शासकीय व्यवसायासाठी विशेषीकृत असून जळगाव झोनल या शासकीय व्यवहारांसाठी महत्त्वाची ठरणार आहे.
जिल्हा नियोजन समिती कार्यालयाच्या सहकार्याने सुरू होणाऱ्या या शाखेचे उद्घाटन पाणीपुरवठा व स्वच्छता मंत्री गुलाबराव पाटील यांच्या हस्ते होणार आहे. कार्यक्रमाला जिल्हाधिकारी रोहन घुगे यांची प्रमुख उपस्थिती लाभणार असून, बँक ऑफ महाराष्ट्रचे झोनल मॅनेजर प्रविण कुमार सिंह व शाखा व्यवस्थापक कपिल त्रिपाठी उपस्थित राहणार आहेत.
बँक ऑफ महाराष्ट्राची स्थापना बँक ऑफ महाराष्ट्रची स्थापना दिनांक १६ सप्टेंबर १९३५ रोजी पुणे येथे झाली आहे.
बँक ऑफ महाराष्ट्र ही महाराष्ट्र राज्यातील राज्यस्तरीय बँकर्स समिती (SLBC) ची संयोजक बँक आहे.
तसेच बँक ऑफ महाराष्ट्र ही महाराष्ट्र राज्यातील प्रादेशिक ग्रामीण बँक असलेल्या महाराष्ट्र ग्रामीण बँकेची प्रायोजक (Sponsor) बँक आहे. बँक ऑफ महाराष्ट्राची ही शाखा जिल्हा नियोजन समिती कार्यालय, अभिलेख इमारत तळमजला, जिल्हाधिकारी कार्यालय,आवार जळगाव येथे कार्यान्वित करण्यात आली आहे. या शाखेमुळे शासकीय खात्यांचे आर्थिक व्यवहार, निधी वितरण, वेतन, अनुदान, कर व इतर शासकीय बँकिंग सेवा अधिक सुलभ, पारदर्शक व जलद होणार आहेत.
जळगाव झोनल मधील शासकीय व्यवसायासाठी स्वतंत्र व विशेषीकृत शाखा सुरू झाल्याने प्रशासन व बँकिंग यंत्रणेमधील समन्वय अधिक मजबूत होणार असून, बँक ऑफ महाराष्ट्रच्या विस्ताराला नवे बळ मिळाले आहे.
