नवराज्य Live न्यूज नेटवर्क
जळगाव – जळगाव शहर महानगरपालिकेतील आगामी महापौर पद ओबीसी महिला प्रवर्गासाठी राखीव झाल्याने राजकीय हालचालींना वेग आला आहे. या पार्श्वभूमीवर
महापौर पदासाठी अनेक इच्छुक आहेत. तर याचबरोबर काही नाव चर्चेत आहेत. यापैकी दीपमाला मनोज काळे, उज्वला बेंडाळे, गायत्री राणे, हे नाव लेवा समाज चेहरा आहेत. जरी या नावांची चर्चा असली तरी मात्र भाजपपक्ष हे नेहमी खेळी करण्यात यशस्वी ठरतात. भाजप नेते दाखवताना नावे दुसरी दाखवतात मात्र ते ऐनवेळी कुणाला संधी देतील हे सांगता येत नाही.
याचाच एक भाग म्हणून याकडे मराठा चेहरा म्हणून जयश्री राहुल पाटील, वैशाली पाटील अंकिता पाटील पहिले जात आहे तर जयश्री राहुल पाटील हे नाव युवा चेहरा,मराठा समाज प्रबळ दावेदारी मानली जात आहे.
जमेची बाजू..
त्यांची जमेची बाजू म्हणजे फ्रेश चेहरा, पती राहुल पाटील हे गेल्या १४ ते १५ वर्षापासून पक्ष संघटन मध्ये सक्रिय कार्यकर्ते आहेत. तसेच मंत्री गिरीश महाजन आमदार राजू मामा भोळे व आमदार मंगेश चव्हाण यांच्याशी त्यांचे चांगले संबंध आहेत. याचा देखील निश्चित फायदा होईल असे बोलले जात आहे.तर जयश्री पाटील यादेखील महिला कार्यकर्त्या म्हणून सक्रिय आहेत.
महापालिकेत भाजपला स्पष्ट बहुमत मिळाल्यामुळे महापौर पद कोणाच्या गळ्यात पडणार, याकडे सर्वांचे लक्ष लागले आहे. ओबीसी महिला प्रवर्गातील मर्यादित संख्येतील नगरसेविकांमध्ये जयश्री राहुल पाटील या अनुभव, पक्षातील सक्रिय सहभाग आणि स्थानिक पातळीवरील संपर्क यामुळे त्यांचे नाव मराठा चेहरा म्हणून आघाडीवर असल्याची चर्चा आहे.महापौर पदाची अंतिम निवड वरिष्ठ पातळीवरून होण्याची शक्यता असून, प्रभाग क्रमांक ९ मधील नगरसेविका जयश्री पाटील यांच्या नावावर शिक्कामोर्तब होते की नाही, याकडे जळगावकरांचे लक्ष लागले आहे
त्याच बरोबर या निवडीत मराठा चेहरा आल्याने पक्षाच्या नेत्यांना आता या निवळीसाठी देखील कस लागणार आहे हे मात्र निश्चित.
