नवराज्य Live न्यूज
जळगाव – महापालिका निवडणुकीच्या पार्श्वभूमीवर उमेदवारी कापल्यानंतर भाजपत मोठ्या प्रमाणात बंडखोरी उफाळून आली आहे. कार्यकर्ते व पदाधिकाऱ्यांत संतापाचे वातावरण आहे. बंडखोरांना भूमिका स्पष्ट करण्यासाठी दोन दिवसांची मुदत देण्यात आली होती. मात्र, अल्टीमेटमचा कालावधी संपण्यापूर्वीच भाजपने २७ बंडखोरांवर हकालपट्टीची कारवाई केली आहे. तर माजी नगरसेविका कांचन सोनवणे यांच्या पाठिंब्याने त्यांच्यावरील कारवाई मागे घेण्यात आली.
बुधवारी भाजप महानगर जिल्हाध्यक्ष दीपक सुर्यवंशी यांनी प्रभाग क्रमांक १३ संदर्भात स्वतंत्र पत्र प्रसिद्धीस दिले होते. त्यात प्रभाग १३ मधील बंडखोरांवर कारवाईचा इशारा दिला होता. परंतु १९ पैकी ८ ते ९ प्रभागात बंडखोरी असताना केवळ प्रभाग १३ साठीच पत्र का काढले गेले? असा प्रश्न उपस्थित होत होता. त्यामुळे अध्यक्ष सूर्यवंशी यांनी गुरूवारी भाजपच्या चार माजी नगरसेवकांसह २७ जणांवर हकालपट्टीच्या कारवाईचे पत्र जारी केले आहे. या कारवाईनंतर बंडखोरीवर लगाम लागेल असे बोलले जाते आहे.
यांच्यावरील कारवाई मागे
भाजपाच्या उमेदवार प्रतीक्षा कैलास सोनवणे यांना भाजपाच्या बंडखोर उमेदवार कांचन विकास सोनवणे यांनी पाठिंबा दिला. यावेळी आ. सुरेश भोळे, माजी नगरसेवक कैलास सोनवणे, माजी महापौर भरती सोनवणे, प्रतीक्षा सोनवणे, विशाल त्रिपाठी, आदी उपस्थित होते. कांचन विकास सोनवण यांची पक्षाकडून केलेली हकालपट्टी रद्द होणार आहे.
यांच्यावर झाली कारवाई ⬇️
