नवराज्य Live न्यूज नेटवर्क
जळगाव : जळगावच्या शैक्षणिक क्षेत्रातील एक महत्त्वाची व आदरणीय व्यक्तिमत्त्व, प्रा. डॉ. इक्बाल शहा मजीद शहा (माजी प्राचार्य – थीम कॉलेज तसेच इकरा एज्युकेशन सोसायटीचे उपाध्यक्ष) यांचे दुःखद निधन झाले. त्यांच्या निधनाने शैक्षणिक व सामाजिक क्षेत्रात शोककळा पसरली आहे.
प्रा. डॉ. इक्बाल शहा यांनी आपल्या प्रदीर्घ शैक्षणिक कारकिर्दीतून अनेक विद्यार्थी घडवले. शिक्षण क्षेत्रातील त्यांचे योगदान उल्लेखनीय असून, एक अभ्यासू, शिस्तप्रिय व विद्यार्थीप्रिय शिक्षक म्हणून त्यांची ओळख होती. थीम कॉलेजचे प्राचार्य म्हणून त्यांनी संस्थेच्या शैक्षणिक प्रगतीत मोलाचा वाटा उचलला.
तसेच इकरा एज्युकेशन सोसायटीच्या माध्यमातून शिक्षणाच्या प्रसारासाठी त्यांनी सातत्याने कार्य केले.त्यांच्या निधनाने जळगावच्या शैक्षणिक क्षेत्राने एक अनुभवी मार्गदर्शक गमावला असून, विविध स्तरांतून शोकभावना व्यक्त केल्या जात आहेत.
आज सकाळी अंत्यसंस्कार
प्रा. डॉ. इक्बाल शहा यांच्यावर आज सकाळी 10 वाजता अंत्यसंस्कार करण्यात आले
