नवराज्य Live न्युज नेटवर्क
जळगाव (आव्हाणे शिवार) :श्री मनोज पाटील इंटरनॅशनल इंग्लिश मीडियम स्कूल व समर्थ प्राथमिक विद्यामंदिर, आव्हाणे शिवार, जळगाव येथे हिवाळी क्रीडा स्पर्धांचे उद्घाटन मोठ्या उत्साहात पार पडले. विद्यार्थ्यांच्या शिस्तबद्ध मशाल मार्चने कार्यक्रमाची शोभा वाढवली. उद्घाटनानंतर विविध क्रीडा स्पर्धांना उत्स्फूर्त सुरुवात झाली.
या क्रीडा महोत्सवात विद्यार्थ्यांसाठी लिंबू-चमचा, सॅक रेस यांसारखे वैयक्तिक खेळ तसेच कबड्डी व खो-खो यांसारखे सांघिक खेळ आयोजित करण्यात आले. सर्व खेळांमध्ये विद्यार्थ्यांनी मोठ्या उत्साहाने सहभाग नोंदवून आपली क्रीडा कौशल्ये सादर केली.
या प्रसंगी संस्थेचे सचिव ज्योतिमाई पाटील, संचालक रामराजे पाटील, क्रीडा शिक्षक जियांशू पोळ, अमोल कोल्हे यांच्यासह अनेक मान्यवर उपस्थित होते. मान्यवरांनी विद्यार्थ्यांना क्रीडेतून शिस्त, आरोग्य, आत्मविश्वास व संघभावना जोपासण्याचे महत्त्व पटवून दिले.
हा कार्यक्रम शाळेच्या मुख्याध्यापिका हर्षाली पाटील व मुख्याध्यापिका मंजुषा सोनवणे यांच्या मार्गदर्शनाखाली तसेच सर्व शिक्षकवृंदांच्या अथक परिश्रमातून यशस्वीरीत्या पार पडला. कार्यक्रमाचे सूत्रसंचालन सारिका इंगळे यांनी केले तर आभार प्रदर्शन तस्मिन लोखंडवाला यांनी मानले.
