जळगाव प्रतिनिधी : जामनेर येथील प्रकाशचंद जैन होमिओपॅथी मेडिकल कॉलेज, हॉस्पिटल आणि रिसर्चचे अध्यक्ष राजकुमार कावडीया यांनी आज सकाळी आत्महत्या केल्याचे वृत्त असून या घटनेने राजकीय, शैक्षणिक, सामाजिक क्षेत्रात खळबळ उडाली आहे. गेल्या काही दिवसांपासून त्यांच्या विविध संस्थांची सखोल चौकशी सुरु झाल्याने ते तणावात होत अशी चर्चा आहे. या घटनेमुळे विविध तर्कवितर्क लढविले जात आहेत. राजकुमार कावडीया हे जामनेरचे रहिवासी असून ते शैक्षणिक व सामाजिक क्षेत्रात सक्रिय होते.
जळगाव शहरातील मेहरुण तलावात त्यांची उडी घेतल्याची प्राथमिक माहिती हाती आली आहे. उपचारार्थ त्यांना एका खाजगी हॉस्पीटलमध्ये दाखल करण्यात आले होते तेथे त्यांना मृत घोषित करण्यात आले.
राजकुमार कावडीया हे रेडक्रॉसच्या माध्यमातून सामाजिक कार्यात योगदान दिले. राजकुमार कावडीया हे प्रकाशचंद जैन होमिओपॅथी मेडिकल कॉलेज, हॉस्पिटल आणि रिसर्च, पळसखेडा, जामनेरचे अध्यक्ष आहेत. त्यांच्या आत्महत्येने मोठी खळबळ उडाली असून चर्चांना उधाण आले आहे
