नवराज्य डिजिटल न्यूज नेटवर्क
पुणे प्रतिनिधी : महाराष्ट्र राज्य माध्यमिक व उच्च माध्यमिक शिक्षण मंडळाकडून फेब्रुवारी-मार्च २०२६ मध्ये होणाऱ्या दहावी (एस.एस.सी.) व बारावी (एच.एस.सी.) परीक्षांच्या तारखा नुकत्याच जाहीर करण्यात आल्या आहेत. मंडळाच्या पुणे, नागपूर, छ. संभाजीनगर, मुंबई, कोल्हापूर, अमरावती, नाशिक, लातूर व नंदूरबार या नऊ विभागांत एकाच वेळापत्रकानुसार परीक्षा घेण्यात येणार आहेत.
घोषित वेळापत्रकानुसार,
बारावी (एच.एस.सी.) लेखी परीक्षा मंगळवार, २० फेब्रुवारी २०२६ ते २८ मार्च २०२६ या कालावधीत होणार आहे.
फेब्रुवारी ते मार्च २०२६ — राज्यातील लाखो विद्यार्थ्यांसाठी परीक्षा पर्वाची तयारी सुरू
दहावी (एस.एस.सी.) लेखी परीक्षा शुक्रवार, २० फेब्रुवारी २०२६ ते १८ मार्च २०२६ दरम्यान पार पडेल.
तर बारावीची प्रायोगिक, श्रेणी, मौखिक व अंतर्गत मूल्यमापन परीक्षा शुक्रवार, २३ जानेवारी ते ९ फेब्रुवारी २०२६ या कालावधीत घेण्यात येईल.
दहावीची प्रायोगिक परीक्षा सोमवार, २ ते १८ फेब्रुवारी २०२६ दरम्यान होणार आहे.
माहिती तंत्रज्ञान, सामान्य विज्ञान, शारीरिक शिक्षण, आरोग्यशास्त्र व गृहशास्त्र या विषयांच्या प्रायोगिक परीक्षा त्याच कालावधीत आयोजित केल्या जाणार आहेत.
शाळा व कनिष्ठ महाविद्यालयांनी विद्यार्थ्यांना अभ्यासक्रमाचे नियोजन व परीक्षा तयारीसाठी योग्य वेळी मार्गदर्शन करावे, अशी सूचना मंडळाने दिली आहे. तसेच अंतिम वेळापत्रक मंडळाच्या संकेतस्थळावर स्वतंत्रपणे प्रसिद्ध करण्यात येणार
आहे.
