नवराज्य डिजिटल न्यूज नेटवर्क
मुंबई / जळगाव : महाराष्ट्रातील सहकार क्षेत्रातील उल्लेखनीय कार्याबद्दल श्रीमती शैलजादेवी डी. निकम यांना कृषक भारती को-ऑपरेटिव्ह लिमिटेड (KRIBHCO) तर्फे सन 2024-25 चा ‘सहकारिता विभूषण पुरस्कार’ जाहीर करण्यात आला. या पुरस्कारासोबत त्यांना ₹2 लाख 51 हजार इतकी रोख रक्कम देऊन गौरविण्यात आले.
शैलजादेवी निकम यांनी सहकार क्षेत्रात pioneering योगदान दिले आहे. 1995 ते 1997 या काळात त्या महाराष्ट्र राज्य सहकारी विपणन संघाच्या उपाध्यक्ष व संचालक म्हणून कार्यरत होत्या. तसेच त्या कृषक भारती को-ऑपरेटिव्ह लिमिटेड (KRIBHCO) च्या संचालकपदी निवडल्या गेलेल्या पहिल्या महिला ठरल्या.
याशिवाय, त्यांनी जळगाव जिल्हा कृषि औद्योगिक सर्व्हिसेस सोसायटी, तवसे ख. विविध कार्यकारी सहकारी संस्था, जळगाव जिल्हा मध्यवर्ती सहकारी बँक आदी संस्थांमध्ये अध्यक्ष व संचालक या पदांवर काम केले आहे. 1997 ते 1999 या काळात केंद्र शासनाच्या महिला राष्ट्रीय सल्लागार समितीवर महाराष्ट्राचे प्रतिनिधित्व करण्याची जबाबदारीही त्यांनी निभावली.
कृषक भारती को-ऑपरेटिव्ह लिमिटेडने त्यांच्या सहकार क्षेत्रातील नेतृत्व, दुरदृष्टी व सातत्यपूर्ण कामगिरीचा गौरव करत हा पुरस्कार प्रदान केला. त्या महाराष्ट्र राज्य सहकारी पणन महासंघांचे उपाध्यक्ष तथा दूध संघांचे संचालक, रोहित निकम यांच्या मातोश्री आहेत.त्यांना मिळालेल्या पुरस्कारा बद्दल सहकार, राजकीय, सामाजिक अशा सर्व स्तरातून त्यांचे अभिनंदन होत आहे.
