मु. जे. महाविद्यालयामध्ये कॅम्पस प्लेसमेंट ड्राईव्हला उत्स्फूर्त प्रतिसाद
संगणकशास्त्र विभाग आणि द किरण अकॅडमी, पुणे यांच्यावतीने संयुक्त आयोजन..
जळगाव – येथील केसीई सोसायटी संचलित मू.जे. महाविद्यालयामधील संगणकशास्त्र विभाग व पुणे येथील द किरण अकॅडमी यांच्या सहकार्याने दिनांक २३ सप्टेंबर २०२५ रोजी “इंटीग्रेटेड प्लेसमेंट अँड इंटर्नशिप प्रोग्रॅम” अंतर्गत कॅम्पस प्लेसमेंट ड्राईव्हचे आयोजन करण्यात आले.
या प्लेसमेंट ड्राईव्हमध्ये तृतीय वर्ष बीएससी (संगणकशास्त्र) व बीसीएच्या विद्यार्थ्यांनी सहभाग नोंदवला. एकूण १२६ विद्यार्थ्यांनी या उपक्रमात भाग घेतला. विद्यार्थ्यांची निवड तीन टप्प्यांमध्ये करण्यात आली – अ‍ॅप्टिट्यूड टेस्ट, ग्रुप डिस्कशन, आणि पर्सनल इंटरव्यू.
श्री. चेतनसिंह राजपुरोहित, रेनुका राऊत आणि श्रध्दा कांबळे यांनी विद्यार्थ्यांच्या मुलाखती घेतल्या. या प्लेसमेंट ड्राईव्हमध्ये निलम पाटील, विद्या पाटील, वैष्णवी पाटील, मंगेश पाटील, अभिजित कुलकर्णी, उन्नती साळवी, हरिहर शर्मा, हृषिकेश नेहेते, दिव्या चौधरी, रोहित चौधरी, नेहा इत्यादि 11 विद्यार्थ्यांची अंतिम निवड झाली असून, त्यांना मोफत इंटर्नशिपसह नोकरीची संधी उपलब्ध होणार आहे.
या कार्यक्रमात महाविद्यालयाचे उपप्राचार्य मनोज चोपडा, विभागप्रमुख प्रा. हेमलता पाटील, समन्वयक डॉ. लीना भोळे तसेच संगणक शास्त्र विभागातील प्राध्यापक व शिक्षकेतर कर्मचारी उपस्थित होते.
