दिगंबर जैन समाजातील गुणवंत विद्यार्थ्यांचा आज होणार सत्कार

नवराज्य डिजिटल न्यूज नेटवर्क
जळगाव – जिल्ह्यातील दिगंबर जैन समाजातील गुणवंत विद्यार्थ्यांचा गुण गौरव सोहळा रविवारदि. 21 सप्टेंबर रोजी दुपारी 1.00 वाजता सरदार वल्लभभाई पटेल सभागृह (लेवा भवन), टेलिफोन ऑफिसच्या मागे, जळगाव येथे संपन्न होणार आहे. हा गुणगौरव सोहळा प. पू. मुनिश्री 108 आस्तिक्य सागरजी महाराज व प. पू. मुनिश्री 108 विनियोग सागरजी महाराज यांच्या छत्रछायेखाली आयोजित करण्यात आला आहे. सुरेशदादा जैन, अशोकभाऊ जैन, केंद्रीय राज्य मंत्री ना. रक्षाताई खडसे, जलसंपदा मंत्री ना.गिरीशभाऊ महाजन, पालकमंत्री तथा पाणी पुरवठा मंत्री ना. गुलाबराव पाटील, खा. स्मिताताई वाघ, आ. राजुमामा भोळे, शिवसेना जिल्हाध्यक्ष विष्णुभाऊ भंगाळे, प्रादेशिक परिवहन अधिकारी रवींद्र नारळे, किड्स गुरुकुलच्या प्राचार्य मीनल जैन, प्रवीण पगारिया, दिलीप गांधी, स्वरूप लुंकड, निर्मल चांदीवाल, अजित कुरकुटे या मान्यवरांच्या हस्ते स्मृतिचिन्ह व प्रमाणपत्र देऊन गौरव करण्यात येणार आहे. सत्कार सोहळ्यानंतर मुनिश्रींच्या प्रवचनाचे आयोजन करण्यात करण्यात आले आहे. कार्यक्रमास समाज बांधवानी सहपरिवार उपस्थीत राहावे, असे आवाहन दिगंबर जैन बहुउद्देशीय मंडळाचे पदाधिकारी गणेश डेरेकर, महावीर सैतवाल, दीपक फुलमोगरे, धन्यकुमार जैन, विश्वनाथ चतुर, दीपक जैन, अजय सूर्यवंशी तसेच दिगंबर जैन महिला मंडळाच्या महिला पदाधिकाऱ्यांनी केले आहे.