जागतिक ओझोन दिवस निमित्त प्रश्नमंजुषा स्पर्धा
नवराज्य डिजिटल न्यूज नेटवर्क
जळगाव – भूगोल विभाग व पर्यावरण अभ्यास समिती,मू. जे. महाविद्यालय, जळगाव यांच्या संयुक्त विद्यमाने जागतिक ओझोन दिन, 16 सप्टेंबर या दिवसाचे औचित्य साधून दिनांक प्रश्नमंजुषा स्पर्धा आयोजित करण्यात आली.
सदर स्पर्धेमध्ये महाविद्यालयातील विविध वर्गातील विद्यार्थ्यांनी उत्स्फूर्त सहभाग नोंदविला. एकूण 48 विद्यार्थी या स्पर्धेत सहभागी झाले. स्पर्धेचे पहिले सत्र संगणकावर आधारित बहुपर्यायी प्रश्नपत्रिकेद्वारे घेण्यात आले. या प्राथमिक फेरीतून अंतिम 12 विद्यार्थ्यांची निवड करण्यात आली.
निवड झालेल्या विद्यार्थ्यांना 4 गटात विभागून प्रश्नमंजुषा स्पर्धेची अंतिम फेरी घेण्यात आली. अंतिम फेरीत विद्यार्थ्यांनी उत्कृष्ट कामगिरी करून विविध क्रमांक मिळवले.
या स्पर्धेचे आयोजन यशस्वी होण्यासाठी आपल्या महाविद्यालयाचे प्राचार्य व भूगोल विभागाचे विभाग प्रमुख प्रा. एस. एन. भारंबे सर व विभागातील सर्व शिक्षकवृंद व शिक्षकेतर कर्मचारी यांनी मोलाचे सहकार्य केले. त्यांच्या सहकार्यामुळे व विद्यार्थ्यांच्या उत्साही सहभागामुळे हा कार्यक्रम यशस्वीरीत्या पार पडला.
