नवराज्य डिजिटल न्यूज नेटवर्क
जळगाव – श्री संत ज्ञानेश्वर प्राथमिक व माध्यमिक विद्यालयातील इयत्ता पहिली व दुसरीच्या विद्यार्थ्यांनी मुलांनी आपल्या घरून भाजीपाला शाळेत आणून तो विकण्याचे धडे नुकतेच घेतले. शाळेत यानिमित्ताने आठवडे बाजारच भरल्याचे दृश्य होते.
शाळेतील शिक्षकांनी आवर्जून विद्यार्थ्यांकडून भाजीपाला खरेदी केला. शाळेमधील शिक्षक निलेश पवार व सोनाली चौधरी यांनी आठवडी बाजार या उपक्रमाच आयोजन केले. यात मुले आपापल्या घरून आणलेला भाजीपाला, कांदे, बटाटे, हिरवी मिरची, कोथिंबिर, मटकी, गवती चहा, वांगी, पालक, मेथी, गवार यासह खाद्यपदार्थांपैकी भेळ, वडा-पाव, चहा, बिस्कीट, इडली-सांबार असे विविध पदार्थ घेऊन बसली होती. ते खरेदी करण्यासाठी विद्यार्थ्यांनी गर्दी केली संस्थेचे अध्यक्ष प्रशांत नाईक यांनी यांनी या बाजाराला भेट देऊन मुलांचे कौतुक केले.
या वेळी मुख्याध्यापक मुकेश नाईक यांनी मुलांना व्यवहार ज्ञान देण्यासाठी शाळेत आठवडे बाजार भरवण्यात आला होता असे सांगितले.
