सट्टेबाजाचा तांडव, पोलिसांवर हल्ला… आरोपी मात्र मोकाट!
धुळे :शहरात रविवारी पोलिसांची लाचारी उघडकीस आली. विक्रमी सट्टेबाज सोपान पाटील याने दिवसाढवळ्या ट्रॅफिक पोलिसांना बेदम मारहाण केली. एएसआय फुलपागरे, दीपक सैदाणे व कुलकर्णी यांना पाच कंदिल चौकात मारहाण झाली. यावेळी शिवीगाळ व मारहाणीचा व्हिडिओही व्हायरल झाला.
आरोपीला पकडून आजाद नगर पोलिस ठाण्यात नेलं असता तिथेही त्याने गोंधळ घालून महिला कर्मचाऱ्याशी गैरवर्तन केले व खुर्च्या फोडल्या. एवढ्यावर थांबता न येता थेट एसपी ऑफिसमध्ये घुसून काचेचा दरवाजा फोडला.
धक्कादायक बाब म्हणजे, एवढा मोठा धुडगूस घालूनही पोलिसांनी सुरुवातीला फक्त एनसी नोंदवून आरोपीला सोडून दिलं. उशिरा रात्री भादंवि कलम 353 अंतर्गत गुन्हा दाखल करण्यात आला.
यापूर्वीही सोपानने हल्ले केले असून पोलिसांनी कडक कारवाई केली नाही. स्ट्राइकिंग फोर्स जवळ असूनही मदतीला आली नाही, हेही प्रश्नचिन्ह आहे.
शहरात चर्चा रंगली आहे :
“ट्रॅफिक पोलिसांवरच हल्ला, मग नागरिकांनी कोणावर विश्वास ठेवायचा? आरोपीला अखेर कोणाचं संरक्षण आहे?”
–
