नवराज्य डिजिटल न्यूज नेटवर्क by योगेश सुने – बारी
जळगाव – कर्नाटक राज्यातील बेळगांव जिल्ह्यातील पंत बाळेकुंद्री येथील अवधूत संप्रदायातील दत्त अवतारी संत सदगुरु श्री पंत महाराज बाळेकुंद्रीकर यांची 120 वा पुण्यतिथी उत्सव भव्य भक्तीमय वातावरणात साजरा होणार आहे. पुण्यतिथी उत्सवासाठी जळगाव,धुळे, नाशिक, जव्हार,भडगांव, मुसळी, धरणगांव, भुसावळ, डोंगरदे, तसेच मध्यप्रदेश भागातून देखील भक्त मंडळी येणार आहेत.
पंतबाळेकुंद्री येथील श्रीदत्त संस्थानतर्फे तीन दिवसीय धार्मिक कार्यक्रमांचे आयोजन करण्यात आले आहे.
दि. ८ ऑक्टोबर ते दि. १० ऑक्टोबर २०२५ पर्यंत तीन दिवस चालणार आहे.पहिला दिवस – बुधवार, दि. ८ ऑक्टोबर रोजी
सकाळी 8 वाजता समादेवी मंदिर बेळगांव येथून प्रेमध्वज पायी दिंडी निघेल त्यानंतर दुपारी 2 वाजेपर्यंत दिंडी बाळेकुंद्री येथील श्री पंत वाडा येथे पोहचेल. त्याच ठिकाणाहून प्रेमध्वज मिरवणूक संध्याकाळी 5वाजता निघून पंत मंदिर येथे ध्वजरोहन होऊन उत्सवाला सुरुवात होईल.
दुसरा दिवस – गुरुवार, दि. ९ रोजी
या दिवशी पहाटे 5 वाजता पुण्यस्मरण कार्यक्रम होऊन. सकाळी 7 श्री पंत वाडा येथून पालखी मिरवणूक निघून मंदिर आमराई येथे रात्री 8 ते 12 पालखी सेवा होईल.
तिसरा दिवस – शुक्रवार, दि. 10 रोजी दुपारी 12 वाजता
अंतिम दिवशी श्रींच्या महाप्रसाद, तर दुपारी 3 ते 5 प्रेमानंद टिपरी,संध्या 6 वाजता आमराईतून पालखी गावातील पंत वाड्यावर पोहचेल व उत्सावाची सांगता होईल.
या तीन दिवसीय उत्सवात देशभरातील अनेक भक्त सहभागी होणार असून, वातावरणात दत्तनामाचा गजर आणि भक्तिभावाचे सूर दुमदुमणार आहेत.कार्यक्रमात सहभागी होऊन श्रींच्या चरणी आपली भक्तिभावाने सहभागी व्हावे असे आवाहन उत्सव समिती श्रीदत्त संस्थान, पंतबाळेकुंद्री यांनी केले आहे. तर जळगाव खान्देश विभागातील भक्तांनी मोठ्या संख्येने उत्सवाचा आनंद घ्यावा असे आवाहन श्री पंतमंदिर जळगाव यांनी केले आहे.
