🌸 मराठी अभिनेत्री प्रिया मराठे यांचे निधन 🌸

नवराच्या डिजिटल न्यूज नेटवर्क by योगेश सुने 

मुंबई – मराठी तसेच हिंदी दूरचित्रवाणी विश्वात आपल्या मोहक अभिनयाने प्रेक्षकांची मने जिंकणाऱ्या अभिनेत्री प्रिया मराठे यांचे वयाच्या अवघ्या 38 व्या वर्षी निधन झाले. मागील काही महिन्यांपासून त्या कर्करोगाशी झुंज देत होत्या, मात्र आज अखेर पहाटे मीरारोड येथील घरी त्यांनी अखेरचा श्वास घेतला. त्यांच्या जाण्याने संपूर्ण मनोरंजन क्षेत्रावर दु:खाचे सावट पसरले आहे. प्रिया मराठे यांचे 31 ऑगस्ट रोजी पहाटे चार वाजता निधन झाले.त्या मीरारोड येथील घरी कुटुंबीयांसोबत होत्या.वयाच्या अवघ्या 38 व्या वर्षी त्यांनी अखेरचा श्वास घेतला.त्यांच्या अकाली जाण्याने चाहत्यांसह सहकलाकार स्तब्ध झाले आहेत.

 कारकिर्द आणि योगदान

‘या सुखांनो या’ या मालिकेतून त्यांनी अभिनय क्षेत्रात पाऊल ठेवले.

‘चार दिवस सासूचे’, ‘तू तिथे मी’, ‘पवित्र रिश्ता’, ‘कसम से’, ‘बड़े अच्छे लगते हैं’, ‘साथ निभाना साथिया’ या मालिकांमध्ये त्यांनी प्रभावी भूमिका साकारल्या.सकारात्मक तसेच नकारात्मक भूमिका निभावताना त्यांच्या अभिनय कौशल्याची झलक स्पष्ट दिसली.त्यांच्या अभिनयशैलीमुळे प्रेक्षकांमध्ये त्या लोकप्रिय झाल्या.

 श्रद्धांजली आणि अंतिम निरोप

मनोरंजन विश्वाने त्यांच्या निधनाने एक उमदा आणि प्रतिभावान कलाकार गमावला आहे.

सहकलाकार, दिग्दर्शक आणि प्रेक्षकांनी सोशल मीडियावरून भावपूर्ण श्रद्धांजली वाहिली आहे.

आज दुपारी चार वाजता मीरारोड येथील हिंदू स्मशानभूमीत त्यांच्या पार्थिवावर अंत्यसंस्कार होणार आहेत.

त्यांच्या आठवणी, भूमिका आणि योगदान कायमच चाहत्यांच्या मनात जिवंत राहतील.